Кейс: Як агенцтву нерухомасці прыцягнуць новых кліентаў

Кейс: Як агенцтву нерухомасці прыцягнуць новых кліентаў

29.09.2016


Кароткае апісанне: Распрацоўка сайта для Гродзенскага дзяржаўнага агенцтва нерухомасці.

Распрацоўшчык: Студыя «Іквадарт».

Тып праекта: Распрацоўка пасадачнай старонкі


01_kvaterra_case_infographics_by.png


Апісанне бізнесу заказчыка, рыначнай сітуацыі, канкурэнтнага асяроддзя

Перад пачаткам распрацоўкі аналізуем інфармацыю аб заказчыку і яго паслугах.

Высвятляем, што прасоўванне паслуг кампаніі ў інтэрнэце зводзіцца да размяшчэння ў каталогах і на сайтах аб'яў інфармацыі аб аб'ектах нерухомасці, якія прадаюцца. Свайго сайта ў агенцтва няма.

Пры гэтым, пасля размовы з заказчыкам, даведваемся, што агенцтва ў першую чаргу зарабляе на кліентах, якія прадаюць нерухомасць, а не купляюць. Аказваецца, яны губляюць у інтэрнэце значную частку «цікавых» кліентаў!


Мэты і задачы праекта

Вырашаем распрацаваць для агенцтва сайт, галоўнай мэтай якога будзе прыцягванне лідаў, якія жадаюць прадаць нерухомасць. Адказваемся ад размяшчэння каталога аб’ектаў на сайце і спыняемся на фармаце пасадачнай старонкі, якая будзе эфектыўна генерыраваць заказы.

Фарміруем задачы сайта:

  • у простай і зручнай форме расказаць наведвальнікам пра агенцтва і яго паслугі. Сфарміраваць вобраз надзейнай кампаніі;

  • вылучыць кампанію на фоне канкурэнтаў;

  • падрабязна апісаць працэс супрацоўніцтва агенцтва і кліента;

  • стымуляваць наведвальніка звярнуцца да агенцтва для далейшай сувязі.


Рэалізацыя праекта

Выкарыстоўваем інфармацыю, якую мы атрымалі на этапе аналізу, для праектавання інтэрфейсу сайта.

02_kvaterra_case_wireframes.png

Распрацоўка лагатыпа

У кліента не было фірмовага стылю. Таму перад этапам дызайну падбіраем фірмовыя колеры і распрацоўваем для агенцтва лагатып.

03_kvaterra_case_logo_small.png

У лагатыпе сумясцілі вобразы шматпавярховага жылога дома і дзелавога дакумента. Атрымалася лаканічна адлюстраваць сутнасць працы рыелтарскага агенцтва.

Было важна сфарміраваць вобраз надзейнай кампаніі і падкрэсліць яе прафесійны падыход да працы. Таму ў якасці асноўнага колеру выбралі халодны сіні. Таксама дабавілі жоўта-аранжавы колер, які асацыіруецца з утульнасцю і добразычлівасцю.

Дызайн

У аснову колеравай гамы дызайну сайта ляглі колеры лагатыпа.

На першым экране размяшчаецца загаловак, дзякуючы якому наведвальнік адразу разумее, чым займаецца агенцтва. Пад загалоўкам – кнопка з закліканнем атрымаць бясплатную кансультацыю па пытанням здзелак з нерухомасцю. Пры кліке на кнопку наведвальніку прапаноўваецца запоўніць простую форму з двума абавязковымі палямі.

Таксама на першым экране паказалі канкурэнтныя перавагі кампаніі.

04_kvaterra_case_first-screen.png

05_kvaterra_case_form.png

У другім блоку размяшчаецца кароткае апісанне паслуг агенцтва. Тут жа патэнцыяльнаму кліенту прапаноўваецца звязацца са спецыялістам кампаніі праз форму зваротнай сувязі.

06_kvaterra_case_services.png

Паказваем, як будзе адбывацца супрацоўніцтва рыелтарскага агенцтва з кліентам. Для кожнага этапа працэса адмалёўваем сваю контурную іконку.

07_kvaterra_case_process.png

Праца з чужаземцамі і іншагароднімі з’яўляецца канкурэнтнай перавагай агенцтва. Таму дабаўляем на сайт блок, у якім апісваем асноўныя нюансы супрацоўніцтва кампаніі з кліентамі, якія пражываюць за межамі Гродна ці Беларусі. У меню вылучаем адпаведны пункт. Дабаўляем кнопку, якая заклікае наведвальніка звязацца са спецыялістам агенцтва для больш падрабязнай кансультацыі.

08_kvaterra_case_foreigners.png

Сайтам зручна карыстацца з любой прылады, таму што ён адаптыўны

09_kvaterra_case_responsive.png


Вынікі

Канверсія сайта – 3,3% (пры гэтым улічаны толькі тыя выпадкі, калі карыстальнікі аддавалі перавагу такому спосабу сувязі, як адпраўка формы, а не тэлефонны званок ці наведванне офіса).

Сайт акупіўся за 2 месяца.

З красавіка 2016 года мы прасоўваем сайт пры дапамозе кантэкстнай рэкламы. Гэта дазволіла павялічыць колькасць заявак з сайта ў месяц у сярэднім на 30%.

Пры гэтым паказчык клікабельнасці рэкламных аб’яў складае 13%, канверсія ў лід – 3,5%, канверсія ліда ў кліента – 40%.

Сайт праекта: www.kvaterra.by


Каманда, якая працавала над праектам:

Андрэй Гаўрылаў — дызайн;

Андрэй Ярмак — франтэнд (HTML вёрстка);

Аляксандр Яшкін — бэкэнд;

Глеб Койпіш  — кіраўніцтва праектам. 




Вернуться к списку новостей